“Türkmenaragatnaşyk” agentliginiň ýanyndaky Döwlet radioýygylyk gullugy tarapyndan ýerine ýetirilýän esasy wezipeler:

1. Türkmenistanyň çäginde radioýygylyk spektrini netijeli peýdalanmak boýunça Döwlet syýasatyny durmuşa geçirmek;
2. Türkmenistanyň çäginde radioýygylyk spektriniň peýdalanylyşyna tehniki radiogözegçiligi amala aşyrmak;
3. Radiomonitoring işlerini amala aşyrmak;
4. Rugsatsyz ulanylýan RES we ÝÝE ýüze çykarmak hem-de olaryň işlemeginiň öňüni almak;
5. Berkidilen radioýygylyklar (radioýygylyklaryň zolaklary) barada maglumaty radioýygylyklaryň ýeke-täk registrine girizmek;
6. Türkmenistanyň çäginde aragatnaşyk hyzmatlarynyň edilmegi üçin niýetlenilen RES we ÝÝE işçi ýygylyklarynyň, çagyryş signallarynyň niýetlenilişini we hasaba alnyşyny barlamak;
7. RES we ÝÝE bellenilen tertipde hasaba almak (gaýtadan hasaba almak) we hasapdan aýyrmak;
8. Radioýygylygy berkitmegiň awtomatlaşdyrylan maglumatlar gorunyň ulgamyny we elektromagnit utgaşmasynyň hasabyny ýöretmek we yzygiderli kämilleşdirmek.
9. Türkmenistanyň gümrük serhedine getirilen we Türkmenistanyň çäginde bar bolan RES we ÝÝE degişli barlaglary geçirmek;
10. Öňdebaryjy tehnologiýalary, täze tehniki serişdeleri ornaşdyrmak, şeýle hem maddy-tehniki binýadyny ösdürmek we döwrebaplaşdyrmak;
11. Radioýygylyk spektri babatda kanunçylygy kämilleşdirmek boýunça kadalaşdyryjy hukuk namalaryny we teklipleri işläp taýýarlamaga gatnaşmak.

“Türkmenaragatnaşyk” agentliginiň ýanyndaky Döwlet radioýygylyk gullugynyň bölümleri we bölümçeleri:

1. Administratiw dolandyryş bölümi;
2. Tehniki bölümi;
3. Şertnamalar, hasaba alyş we hasaplar bölümi;
4. Buhgalteriýa we hasabat bölümi;
5. Hojalyk dolandyryş bölümi;
6. Aşgabat şäher we Ahal welaýat bölümçesi;
7. Balkan welaýat bölümçesi;
8. Daşoguz welaýat bölümçesi;
9. Lebap welaýat bölümçesi;
10. Mary welaýat bölümçesi.